É propio das boas novelas, sobre todo das policíacas, que apareza un personaxe tan importante como o protagonista: a cidade onde transcorren os feitos. Por iso non hai mellor guía para coñecer A Habana que Leonardo Padura, o autor que soubo tomarlle o pulso, ao longo de diferentes épocas, en cada unha das súas obras. Este libro ofrece un paseo polos barrios da Habana en forma de historia autobiográfica do propio novelista, que vai desde Mantilla ata A Rampla. E en cada un deles, a súa historia compleméntase cos fragmentos das novelas onde aparecen. Á vez, nunha segunda parte, reúnense noticias e reportaxes sobre os aspectos máis sorprendentes e descoñecidos de moitas zonas da cidade, así como o destino dalgúns personaxes crave. Non é difícil ver neles o embrión dos casos de Mario Conde, ou o pasado evocado en tantas narracións de Padura, que ten a gran habilidade de facernos vivir a cidade do presente, e permitirnos viaxar no tempo para coñecer o seu esplendoroso pasado.